nuscos intendo
de padente in pessu infustu
chi ischidant intro 'e mene
sos disìgios de pigare giustu
su caminu conca a s'obietivu
e campu adustu
a barigare nche l'apo
ierru siat
o austu
ca in custu grustu de malàstiu
deo boghe peso
e niune b'at chi torret mutu a filu
inoghe
e tando in aterue est mègius ch'ande
e chi forroghe
pro chi in custa paule
non nch'afoghe sas isperas
pro chi potza torrare
a bìdere in aeras
chentales indeorados
e potza in sas anderas
sighire cussas punnas verdaderas
de amore
de giustìtzia comunarda e libertade
de retziprotzidade istremenada
de amistade
de gosu intreu cun cada sorre e cada frade
peri sos sartos
sas biddas
e sas tzitades
refuda·las cun megus
sas dudas chi tudant
sos fogos chi àteros cumpudant
e chi istudant
si bi lu permitimus
ca no non si nd'impudant
e mancari disacatu
s'idea no la mudant
s'idea de sa trobea
de sa lòriga,
de sa retranca
chi nos truncat bratzos e ancas
s'idea chi dominante
dòminat in totue
s'idea chi est pretzisu
a bortulare deo e tue
deo tue
issu contra a issos nois
che a sos Public Enemy
"bring - the - noise"
ca b'at chie ti narat «non b'at choice!»
chie ti cheret sena voice
e chie nche los cheret ispèrdere
a babbos
a fìgios
e a mannois
e tando intende gente
sende chi tocat a pònnere mente
beranu pustis de ierru
e torret atòngiu galu caente
serente a disìgios
bisos e bramas
chi in coro allutu e ardente
tèngiat inchesas e bias
sas framas
Poet Douglas Kearney and composer/producer/drummer Val Jeanty link up for a a compelling LP that feels like the written word come to life. Bandcamp New & Notable Mar 30, 2021